Sekretariu-Jeral ninia Reprezentante Espesial (hosi ne'e ba oin bolu: Administrador Tranzisional),

Kona ba autoridade fó ona ba nia tuir Nasoens Unidas ninia Konselhu Seguransa ninia rezolusaun 1272 (1999) hosi loron 25 fulan Otubru tinan 1999,

Simu mós Nasoens Unidas nia Administrasaun Tranzisionaliha Timor Lorosa'e (UNTAET/NUATTL) nia Regulamentu 1999/1 hosi loron 27 fulan Novembru tinan 1999 kona ba Autoridade Administrasaun Tranzisional nian iha Timor Lorosa'e,

Hodi bele harii Diáriu Ofisial Timor Lorosa'e nian, Fó hatene buat hirak tuirmai ne'e:

Seksaun 1
Naran,

Harii Diáriu Ofisial ida ba Timor Lorosa'e. Naran ba Diáriu Ofisial maka "Diáriu Ofisial Timor Lorosa'e nian" (hosi ne'e ba oin bolu: Diáriu Ofisial)

Seksaun 2
Objektivu regulamentu nian

Regulamentu oras ida ne'e daudaun nian harii modu publikasaun nian ba regulamentu sira no direktivu hirak ne'ebé UNTAET/NUATTL fó sai ona, nune'e mós aktus relevante hirak hosi orgaun no instituisaun sira iha Timor Lorosa'e, eh hosi interese publiku nian iha Diáriu Ofisial.

Seksaun 3
Lia no Fahe

3.1 Diáriu Ofisial sei publika hodi lia Inglés, Portugés no Tetun. Durubasa hodi lia Indonezia sei fó sai bainhira presiza. Se iha karik buat ruma la loos, textu Inglés nian maka loos.

3.2 Diáriu Ofisial sei publika tuir dalan ida ne'ebé haree loloos katak hodi fahe ne'e luan liu hosi anunsia publiku no publikasaun.

Seksaun 4
Kulit Takan

Iha periodu administrasaun tranzisional UNTAET/NUATTL nian, Diáriu Ofisial nia kulit takan sei hatudu naran Diáriu Ofisial nian, numeru série, loron, fulan, no tinan publikasaun nian, fatin publikasaun no emblema UNTAET/NUATTL nian.

Seksaun 5
Objektu Publikasaun

Hirak tuirmai ne'e maka sei publika iha Diáriu Ofisial:

(a) Regulamentu no direktivu UNTAET/NUATTL nian tomak;

(b) Aktus jeral seluseluk hosi orgaun no instituisaun sira iha Timor Lorosa'e, nu'udár ne'ebé lei presiza;

(c) Aktus seluk hosi interese publiku nian ne'ebé presiza anunsia publiku.

Seksaun 6
Publikador

Iha periodu administrasaun tranzisional iha Timor Lorosa'e, publikasaun Diáriu Ofisial nian UNTAET/NUATTL maka hala'o.

Seksaun 7
Hametin

Regulamentu ida ne'e daudaun sei metin ona iha loron 29 fulan Dezembru tinan 1999.

Sergio Vieria de Mello
Administrador Tranzisional

---